Škola sporta na Vrmcu sa Vjevericama

Danas dana 20. maja 2013. Vrmac je bio ljepši nego ikad. Mirisi hiljada vrsta cvijeća, svi pomješani i uljepšani sa prisustvom dječice iz škole sporta, vodjene trenericama Jovanom Krivokapić i Ćinom Milošević. Ptice u svom cvrkutu, prirodno nadovezane na divne dječje glasove. Pogledi njihovi i radost su najveće bogatstvo i zadovoljstvo za članove planinarskig kluba Vjeverica. Ovo je samo početak jedne divne saradnje djece sa planinarima. Oni su naša budućnost, budući sportisti, mali planinari kojima će priroda biti bliža od moderne tehnologije. I upravo dok ovo pišem, njihove glavice vire iznad paprati u gustoj Vrmačkoj borovoj šumi. Ovo je Raj za svačije oči i Dušu.

Mara:
" Svidjelo mi se najviše puno mirišljavog cvijeća, i različitog..Malo sam se umorila, i lijepo se provela. NAjviše mi se dopalo što sam na nagradnoj igri Vjeverica dobila njihovu majicu. Prepala sam se malo od blavora al on je bio gušter"

Ivan:
"Srećan sam što sam planinario sa profesionalcima. Vrmac je divan. Danas smo upoznali mnogo vrsta biljaka. Saznali smo o životinjama koje žive u šumi Vrmca. Ovaj dan je za mene bio veoma važan. Tek kada se popnemo na ovoliku visinu, vidimo ljepotu našeg rodnog mjesta.

Dora:
"Pogled je divan! Oduševljena sam pogledom na Kotor i na zaliv"

Sara:
"Svidja mi se cvrkut ptica"

Miloš:
" Prelijep je pogled, na zaliv i na grad s vidikovca s Vrmca. Presrećan sam što sam rodjen u ovakvoj ljepoti i što živim ovdje.

"Trenerice:
"Škola sporta je oduševljena i članovi i treneri. Tura je dovoljno teška za trening, a dovoljno zanimljiva i poučna i definitivno ćemo dogovoriti dalju saradnju sa Vjevericom. Djeca od 6 - 13 godina su prusustvovala na ovoj turi.

Sastavio Marjan, uredio Dragan :)